Kryetarja e Aleancës së Gruas në AAK, Diellza Kukaj, ka pasur kritika për pozicionin e gruas në shoqërinë kosovare. Mungesa e punësimit të grave është një nga elementet që ajo i ka përmendur gjatë intervistës në “Lajmet e Fundit” në RTK.
“Kemi probleme bazike siç është rasti i mungesës së vendeve të punës për gratë. Të aludohet se ka përmirësim në punësim përderisa vetëm 18% të grave janë duke punuar, ndërkaq rreth 65% të punëtorëve informal janë gra, kjo është shqetësuese”, tha ajo.
Kukaj ka përmendur edhe gjykimet më të rrepta që duhet të shqiptohen nga institucionet e drejtësisë si dhe fushatat vetëdijësuese që duhet të mbahen, në mënyrë që të ulen rastet e dhunës në familje dhe specifikisht dhunës ndaj grave.
