Komisioneri Evropian për Tregun e Brendshëm Thierry Breton nga Franca, i cili u emërua nga ai vend për një mandat të dytë në Komisionin Evropian, dha dorëheqjen sot.
Breton ka postuar në rrjetin social X një letër dorëheqjeje, drejtuar Presidentes së Komisionit Evropian, Ursula von der Leyen, në të cilën deklaron se dorëheqja e tij do të hyjë në fuqi menjëherë.
Ai shtoi se pak ditë më parë, von der Leyen, siç tha ai, “për arsye personale” i kërkoi Francës të tërhiqte kandidaturën për komisioner, duke premtuar se në këmbim Franca do të merrte një “portofol gjoja më me ndikim” në Komisionin e ri.
