Shkruan: Zymer RrAHMANI
Një fenomen nga i cili akoma nuk po arrijnë të çlirohen një pjesë e madhe e shqiptarëve, në këtë rast lexo kosovarëve, është egoja për përfitim me shpërdorim dhe për ta vjedhur sa të munden shtetin. Aq më i keq e aq më i shëmtuar po bëhet ky fenomen, kur me të kapen me presh për dore jo qytetarët e varfër të Kosovës por qytetar me standard të lartë dhe të mesëm të cilët kanë arritur atë nivel duke punuar në diasporë. Një numër i konsiderueshëm i qytetarëve kosovar nga diaspora shkuan për pushime sikur e bëjunë tradicionalisht, në vendlindjet e tyre dhe nëpër familje në Kosovë. Mirëpo në këtë rastë ata bënë një rrugë e dy punë, jo vetëm për të pushuar por edhe për të përfituar. Ata që kanë fëmijë kanë bërë edhe kërkesën për shtesa të fëmijëve nga buxheti I shtetit të Kosovës, pavarësisht se punojnë dhe jetojnë në diasporë. Sa kam marr vesh, shumë prej tyre edhe kanë arritur që ti marrin ato shtesa. Aana tjetër e medaljes është përfitimet që po bëjnë disa kinse në emër të kontributit në luftën për çlirimin e Kosovës. Të tillët lakmiqar kanë gjetyr lidhje përmes rrugëve korruptive dhe janë bërë edhe veteran të luftës duke fituar të drejtën e shfrytëzimit të pensionit të veteranit të luftës edhe pse jeton dhe punon në gjermani e gjetiu diku në Evropë. Absurditeti dhe sjellja e pa përgjegjshme që përmes lidhjeve korruptive të vjedhin shtetin qytetar shqiptar, Kosovar nga diasporë, është konstatuar edhe tek arritja e fitimit të së drejtës me dallavere për subvencione në fushën e bujqësisë. Edhe kjo një dukuri akoma më e tmerrshme. Shtrohet pyetja tani deri kur do të vazhdojnë kategori të tilla të sillen me kaq pa përgjegjësi ndaj shtetit të tyre duke mos lënë pa rrotulluar gur e dru për të përfituar e pasuruar duke gjetur ndonjë zyrtar atje në Kosovë e duke e korruptuar atë. Deri kur do të vazhdohet kështu me vjedhjen e shtetit, deri kur do të punohet tinëszisht për ta rrënuar atë që me aq mund dhe sakrifica e kemi ndërtuar. Turpi pra ka emër dhe fatkeqësisht ai emër është edhe në mesin e shqiptarëve në diasporë, qytetar Kosovar, që po tregohen hajna kaq ekstremist dhe bukë përmbysës!
