Sipas pohimeve të doktor Rengan Shatterje,brokolli duhet të jetë zgjedhja e parë e njerëzve kur bëhet fjalë për perimet. Ai pretendon se brokoli është një “shpëtues i jetës” dhe së fundmi i bëri pretendimet e tij në “Doctor in the House” të BBC-së.
Këto perime jeshile nxisin zhvillimin e baktereve të mira në zorrë, të cilat forcojnë sistemin imunitar dhe kanë një efekt pozitiv në shëndetin e zorrës së trashë.
Hulumtimet e mëparshme kanë treguar se bakteret e mira në zorrë ndikojnë në një peshë të shëndetshme trupore dhe zvogëlojnë rrezikun e çrregullimeve mendore, shkruan britanikja Daily Mail.
Duke kaluar nëpër zorrën e hollë, brokoli ndihmon në balancimin e sistemit imunitar. Pas kësaj, fibra e patretur shkon në zorrën e trashë, ku banojnë shumica e baktereve të zorrëve. Aty ngjiten me fibrat, duke krijuar kështu zinxhirë të shkurtër acidesh yndyrore, të cilat janë jashtëzakonisht të rëndësishme për shëndetin e zorrës së trashë. Brokoli është i mirë edhe për shëndetin e zemrës, sepse vitamina K që përmban ndikon në punën e zemrës, pra në rrjedhën e oksigjenit në të gjithë trupin.
Ekspertët këshillojnë që përpara se ta konsumoni brokolin ta prisni në copa të vogla dhe ta lini të qëndrojë deri në një orë e gjysmë, sepse kjo rrit nivelin e sulforafanit, një përbërës që ka efekt antikancerogjen dhe ul nivelin e sheqerit në gjak.
