Peter Cherif, një shtetas francez që kaloi shtatë vjet në Jemen me Al-Kaedën, është në gjyq në Paris. Ai akuzohet për pjesëmarrje në një “komplot kriminal terrorist” dhe dyshohet se ka mbajtur peng tre francezë të rrëmbyer në Jemen në vitin 2011.
Gjyqi, i cili filloi të hënën, më 16 shtator, do të përpiqet gjithashtu të sqarojë rolin e të akuzuarit në rekrutimin e shokut të tij të fëmijërisë Cherif Kouachi. Ai, së bashku me vëllain e tij Said Kouachi, kryen një sulm të armatosur në zyrën e botimit të përjavshëm Charlie Hebdo në Paris më 7 janar 2015. 12 persona u vranë, duke përfshirë dy oficerë policie. Të dy sulmuesit qëlluan rreth tridhjetë të shtëna nga automatikët. Ndër të vdekurit ishin karikaturistët Stéphane Charbonnier, 47 vjeç, Jean Cabu, 76 vjeç, Georges Wolinsky, 80 vjeç dhe Bernard Verlac, 57 vjeç.
Peter Cherif, i njohur më vonë si Abu Hamza, ka lindur në Paris në 1982. Ai u bë i njohur për përfshirjen e tij në grabitje me armë dhe trafik droge.
Tani xhihadisti parizian 42-vjeçar është paraqitur para një jurie të posaçme në Paris për çështje të lidhura me terrorizmin. Ai do të duhet t’i përgjigjet pyetjeve që lidhen me kohën e tij në radhët e Al-Kaedës në Gadishullin Arabik dhe pjesëmarrjen e tij në mbajtjen e tre pengjeve franceze. (Rrjeti terrorist i Al-Kaedës është i ndaluar në SHBA dhe BE). Peter Cherif do të duhet të tregojë në gjykatë për rolin që ai luajti në zhvillimin e planit për një sulm të armatosur në redaksinë e Charlie Hebdo, raportoi të hënën Radio French International (RFI) .
Gjyqi do të zgjasë tre javë.
