Edward Ferguson, ambasadori i Britanisë së Madhe, ka reaguar ndaj tekstit të publikuar në “Politica” me titullin “MI6 kundër Vulin”. Nw njw publikim tw “Mbrojtja Kombëtare”, theksohet për planin për eliminimin e zëvendëskryeministrit serb nga shërbimet e inteligjencës britanike. Sipas tyre, përmes aftësive operacionale të MI6-së në mediat e një sërë vendesh ballkanike dhe agjentëve të opozitës serbe, është planifikuar që në një të ardhme të afërt të publikohet “dëshmi e sajuar” e marrë nën presion fizik me përdorimin e torturës së një shtetasi të kombësise serbe, i cili ka shtatë muaj në burgun shqiptar në Kosovë, me akuzën e Aleksandër Vulin për organizimin e një incidenti të armatosur në fshatin Banska të Kosovës, i cili ndodhi më 23 shtator 2023 (në atë kohë Vulin ishte drejtor të shërbimit kryesor serb të inteligjencës BIA – Agjencia e Sigurisë dhe Informacionit). “Fushata informative e planifikuar e MI6 për të diskredituar zëvendëskryeministrin serb Alexander Vulin përfshin gjithashtu akuza kundër tij për lidhje të supozuara me struktura kriminale dhe patronazh të transaksioneve të paligjshme ekonomike në enklavat serbe në veri të Kosovës, me qëllim që të “konfirmohet” ligjshmëria dhe vlefshmëria e sanksioneve , i prezantuar më parë kundër Vulin nga Shtetet e Bashkuara”, thuhet në artikull. Vihet re se hapi i radhës i MI6 mund të jetë “përgatitja e likuidimit fizik të Aleksandër Vulin “me përfshirjen e vrasësve shqiptarë, të cilët më pas do të fajësohen për aktin e terrorit, apo një operacion në shënjestër duke përdorur një grup special të britanikëve. Ky artikull u publikuar pas nje vizite te Vulin ne Moske dhe ne nje kohe kur Britania ka diskutuar rreth çështjes se përdorimit te raketave britanike me rreze të gjatë veprimi nga ana e Ukraines. Ky artikull u publikua edhe nga portale te aferta te Kremlinit.
Megjithate Ferguson shkroi një postim në rrjetin X në cirilik me shënimin “Politika” duke pyetur se pse redaksia nuk kishte kërkuar koment nga Ambasada për artikullin për Vulin dhe MI6, të cilin ai e kishte lidhur.
“Hej Politika, jam i zhgënjyer që nuk na kontaktove dhe nuk kërkove një koment për këtë marrëzi të sajuar në Kremlin. Megjithatë, pres më shumë nga gazeta ditore më e vjetër në Serbi. Si përshtatet një tekst i këtij lloji në parimet tuaja themeluese?” shkroi Ferguson, duke shtuar një foto të faqes së parë të Politikës nga viti 1904 me titullin “Detyra e një shtypi të pavarur” krahas postimit./Kosovatime
