Një adoleshent 14 vjeç ka vrarë me sëpatë vëllain e tij në Austri. Ngjarja tragjike ka ndodhur në Mürzhofen, në provincën austriake të Styria.
Djali ka pranuar se ka vrarë vëllain e tij 36-vjeçar, raportojnë mediat austriake. Policia njoftoi se burri u vra me sëpatë. Trupi i tij u gjet dje në një shtëpi në Kindberg në Styria.
Adoleshenti thotë se vrau vëllanë e tij për shkak të një mosmarrëveshjeje të gjatë
Pasi vrau vëllain e tij, 14-vjeçari u largua nga vendi i krimit, por shpejt u arrestua aty pranë. Policia njoftoi se adoleshenti kishte në çantën e shpinës një sëpatë dekorative, të ashtuquajtur “Viking”, prej metali. I riu ka thënë se ka vrarë vëllain e tij për shkak të një sherri të gjatë, tha policia.
Dy vëllezërit jetonin me prindërit e tyre, shkruajnë mediat austriake.
