Të paktën nëntë persona, duke përfshirë një fëmijë, janë vrarë pasi pajierët e përdorur nga anëtarët e grupit të armatosur të Hezbollahut për të komunikuar shpërthyen në të gjithë Libanin, tha ministri i shëndetësisë i vendit.
Ambasadori i Iranit në Liban ishte mes 2800 personave të plagosur në shpërthimet e njëkohshme në Bejrut dhe disa rajone të tjera. Hezbollahu, i cili mbështetet nga Irani, tha se pajierët i përkisnin “punonjësve të njësive dhe institucioneve të ndryshme të Hezbollahut” dhe konfirmoi vdekjen e tetë luftëtarëve.
Grupi militant fajësoi Izraelin për atë që e quajti “agresion kriminal” dhe u zotua të kryejë “hakmarrje të drejtë”. Ushtria izraelite refuzoi të komentojë mbi ngjarjet. Disa orë para shpërthimeve, kabineti i sigurisë i Izraelit theksoi se ndalimi i sulmeve të Hezbollahut në veri të vendit, për të lejuar kthimin e sigurt të banorëve të zhvendosur, ishte objektivi zyrtar i luftës.
