Shteti i Kosovës nuk e shpalli pavarësinë me kushtin e njohjes së domosdoshme nga Serbia

Shkruan: Muhamet KELMENDI

Shpallja e pavarësisë së shtetit të Kosovës është bërë për liri dhe pavarësi kombëtare dhe shoqërore. “Bisedimet” me shtetin serb nuk duhet të kenë për qëllim korrigjimin e kufirit Kosovë-Serbi, ndonëse ka territor të Kosovës nën pushtimin serb, por zgjidhjen e problemeve që kryesisht i ka shkaktuat Serbia në Kosovë. Natyrisht se edhe te hapësira territoriale ka vend për diskutim të territorit të pushtuar nga Serbia.

Në këtë anë mendohet:

1. Dënimin e kriminelëve dhe të shovinistëve fashiste serbe që kryen krim dhe dhunë, terror e gjenocide në Kosovë. Këtu është fjala për vrasjet, përdhunimet, dëbimet, djegiet dhe masakrat e bëra mbi popullsinë shqiptare.
2. Në kompensimin e dëmit material dhe të shpërblimit të dëmit moral, dy bazave që shkojnë në miliarda Euro.
3. Dënimin e masave dhunuese që bënë dëbimin e 1 milionë shqiptarëve nga Kosova.
4. Zgjidhjen e konflikteve të minoriteteve adekuate, shqiptarëve nën Serbi dhe atyre serbe në Kosovë.
5. Hapjen e perspektivës për integrime Euroatlantike.
6. Demarkimin e kufirit me Serbinë dhe
7. Njohjen reciproke të shteteve tona. Mbi këto baza bisedohet apo dialogohet me shtetin serb. Nuk ka gjë nëse dialogohet edhe për çështje tjera. Të gjitha çështjet janë të hapura.

Po nuk mundë të bisedohet për ndërrim të territorit pa i zgjidhur problemet të cilat i theksova më lartë. Këtu nuk ka rëndësi se a e njeh shtetin e Kosovës shteti serb. Thotë populli: “punë e madhe a e njeh”. Duhet që çështjet të shkojnë në mënyrë kronologjike, e kurrsesi mbrapshtë, nga ndërrimet a korrigjimet te njohjet. Kështu nuk ka askund. Por, pavarësisht nga kjo, dua të them se jam dhe do të jem kurdoherë për atë që Ujmani, Mitrovica dhe Trepça mos të negociohen. Këto janë asete jetike për Republikën e Kosovës. Po kështu duhet thënë se Serbia ka ende territor dhe popull të pushtuar. Është Lugina e Preshevës e aneksuar nga Serbia në vitet e 50-ta dhe ai territor duhet domosdo që ti kthehet vendit të vetë, Kosovës. Në fund mbetet të theksohet edhe një herë fakti se bisedimet a dialogimi me shtetin serb pa pjesëmarrjen e SHBA-ve kurrë nuk do të përfundon në dobi të shqiptarëve. Kurdoherë kur Evropa ka bërë tërheqjen e kufijve midis shqiptarëve dhe serbëve, kanë humbur shqiptarët. Vetëm në vitin 1878 dhe në vitin 1913 kemi mbi 28 mijë kilometra katrore shqiptare të aneksuara nga shtetit serb dhe që Evropa ua dha atyre. Nga ato territore shqiptare u dëbuan me terror, me dhunë e me masakra shqiptarët dhe në vendet e tilla u sollën kolonizatorët serbo-malazez dhe i sllavizuan vendasit shqiptar. Këtë nuk duhet lejuar kurrë më që të përsëritet.