Presidenti serb Aleksandar Vuçiq u takua sot me Sekretarin e Shtetit të Selisë së Shenjtë, kardinalin Pietro Parolin, me të cilin diskutoi për mbajtjen e një dialogu të rregullt politik në të gjitha nivelet, si dhe mbrojtjen dhe restaurimin e trashëgimisë fetare dhe kulturore serbe në Kosove.
Vuçiq shtoi se bashkëpunimi i Serbisë me Kishën Katolike Romake është i mirë, me respekt të ndërsjellë dhe përpjekje për ta përmirësuar më tej.
Vuçiq tha se Serbia e vlerëson lart qëndrimin parimor të Selisë së Shenjtë për çështjen e mosnjohjes së pavarësisë së shpallur në mënyrë të njëanshme të Kosovës dhe mirëkuptimin për qëndrimin e Serbisë, i cili bazohet në respektimin e së drejtës ndërkombëtare.
