Ministria e Mjedisit, e Planifikimit Hapësinor dhe e Infrastrukturës ka bërë të ditur përmes një komunikate për media se rruga rajonale R-115, konkretisht segmenti Prizren-Prevallë, do të jetë e mbyllur me rastin e asfaltimit të saj.
Mbyllja do të përfshijë lokacionin nga dalja e Prizrenit, lagjja Marashi, deri te tunel i parë i rrugës për Llokvicë.
Mbyllja e rrugës për qarkullimin e automjeteve do të bëhet nga 23-25 shtator 2024, në intervalin kohor nga ora 9.00 deri në 17.00. /Kosovatimes/
