Ministrin e Shëndetësisë Arben Taravari, i cili vjen nga koalicioni VLEN, ka theksuar se vendimi i Gjykatës Kushtetuese për “balancuesin” është i nxituar.
“Ishte disi e nxituar. Dikush mund të ketë dashur të flasë për këtë dhe të defokusohet nga tema të tjera më të rëndësishme”, ka theksuar Taravari.
Taravari ka bërë të ditur se koalicioni qeveritar ka pasur marrëveshje që fillimisht të miratohet Ligji për përfaqësim të drejtë të të gjitha komuniteteve, por jo vetëm për përkatësinë etnike, por edhe për kategoritë tjera.
“Gjykata Kushtetuese, për fat të keq, përbëhet nga gjyqtarë të zgjedhur, edhe pse gjyqtarët duhet të jenë asnjanës. Megjithatë, nuk mendoj se kemi nevojë për situata kaq të tensionuara në këtë moment. Përkundrazi, me OBRM-PDUKM-në, para se të fillonte koalicioni, kishim një marrëveshje që të merremi me Ligjin për Përfaqësim të Drejtë të të gjitha komuniteteve dhe më pas për “balancuesin”, ka thënë ai, pas nënshkrimit të marrëveshjes për grantin ndërmjet Ambasadës Japoneze dhe Klinikës për Sëmundjet e Fëmijëve.
Taravari ka thënë se “balancuesi” ishte një mjet i mirë, por së fundmi është keqpërdorur shumë.
