Komuna e Podujevës në bashkëpunim me Ministrinë e Mjedisit dhe organizatat joqeveritare do të organizojë shënimin e Ditës Botërore pa makina.
Komuna e Podujevës ka njoftuar se ky aktivitet që shënohet me biçikleta, mbahet të dielën dhe fillon në orën 12:00, ndërsa përfundon në orën 13:30.
“Gjatë kësaj periudhe, do të mbyllen për qarkullim të automjeteve rrugët “Zahir Pajaziti” deri në kryqëzimin me “Vëllezërit Frashëri”, pastaj rruga “Fazli Fetahu”, “Xhafer Meta”, “Met Podujeva” dhe një pjesë e rrugës “Xhemajl Mustafa” (nga rrethi deri të Sheshi)”, thuhet në njoftim.
Komuna ka ftuar qytetarët që gjatë kësaj periudhe kohore për qarkullim me automjete t’i shfrytëzojnë rrugët alternative. /Kosovatimes/
