Nuredin Lushtaku, përfaqësues i grupimit politik “IDEAL”, ka reaguar pas një lajmi të publikuar nga portali Rajoni, i cili sugjeronte se ai mund të jetë kandidat për deputet nga radhët e PDK-së.
Lushtaku e ka quajtur këtë lajm të pavërtetë dhe tendencioz, duke theksuar se buron nga disa individë brenda PDK-së në Skënderaj, që po përdorin politika propaganduese për të krijuar konfuzion tek qytetarët.
Në reagimin e tij, Lushtaku i bëri thirrje përkrahësve të IDEALIT që të vazhdojnë të qëndrojnë të fortë dhe të pandryshuar, duke siguruar se çdo vendim politik për zgjedhjet nacionale të 9 shkurtit 2025 do të jetë i përbashkët dhe në interes të qytetarëve të Skënderajt.
Ai gjithashtu theksoi se asnjë vendim nuk do të merret pa konsultuar anëtarët e grupimit. /Kosovatimes/
