Presidenti serb Aleksandar Vuçiq tha për Politiko se varri i ish-presidentit të RSFJ-së Josip Broz Tito nuk do të zhvendoset nga Muzeu i Jugosllavisë dhe se Tito do të mbetet pjesë e historisë serbe dhe jugosllave.
“Kjo nuk do të ndodhë. Unë kurrë nuk kam qenë një adhurues i madh i komunistëve dhe regjimit komunist, por Josip Broz është një pjesë e historisë sonë, ai ka jetuar këtu dhe është varrosur këtu, dhe ai do të mbetet pjesë e historisë serbe dhe jugosllave. ”, tha Vuçiq në një intervistë për faqen e Brukselit.
Kryetari i Komunës së Beogradit, Aleksandar Shapiq, në seancën e fundit të Kuvendit të qytetit njoftoi se do të nisë një iniciativë për zhvendosjen e varrit të Josip Broz Titos, si dhe për ngritjen e një monumenti për liderin e lëvizjes Ravnogorsk, Drazha Mihailoviq në Terazi.
