Tre fëmijë vdiqën në Territorin Krasnoyarsk ne Rusi nga helmimi, me sa duket nga produkte me cilësi të ulët. Më 21 shtator, një familje e tërë u dërgua në spital me simptoma të helmimit të rëndë – burri, gruaja dhe katër fëmijët e tyre. Brenda 24 orëve, tre fëmijë vdiqën .
Komiteti Hetues njofton se familja, e cila jetonte në fshatin Krasnaya Sopka, ka kontaktuar me mjekët të shtunën në mëngjes. Një natë më parë ata hëngrën pulë dhe bukë për darkë, të blera në një dyqan lokal. Është ngritur një çështje penale nga neni për shitjen e mallrave që nuk plotësojnë kërkesat e sigurisë. Ende nuk dihet se me çfarë lënde janë helmuar personat.
Dyqani në Krasnaya Sopka vazhdon të funksionojë, por të gjitha produktet e dyshimta janë hequr prej tij. Drejtori i dyqanit është thirrur në pyetje.
