Ish-presidenti francez, i krahut të djathtë Nicolas Sarkozy, ka thënë se nuk e kupton mënyrën se si futbollisti Kylian Mbappe u largua nga klubi i Paris Saint-Germain për të shkuar në Real Madrid, shkruan gazeta franceze “Parisienne”.
Sarkozy, një simpatizant dhe mbështetës i madh i PSG-së, i cili ndjek rregullisht ndeshjet e klubit në stadiumin Parc des Princes, tha se ishte “e vështirë për të të kuptonte se si Mbappe u largua” nga klubi i Parisit pasi kaloi shumë vite atje.
“Kilian kaloi shtatë vjet në klub (PSG), dhe ne nuk duhet ta harrojmë këtë”. Ai na dha emocione të jashtëzakonshme me lojën e tij. Megjithatë, ai ra në tundimin se bari është më i gjelbër diku tjetër”, tha Sarkozy për gazetën.
Ish-presidenti francez shtoi se e kupton dëshirën e Mbappes për t’u larguar, për të përmbushur ëndrrën e tij, por se “është e vështirë të kuptohet se si e realizoi atë”.
Gazeta Parisien e konsideron një deklaratë të tillë të pazakontë pasi Sarkozy e ka lavdëruar më parë Mbappen.
Mbappe, i cili ishte kapiten i skuadrës franceze të futbollit në Kampionatin Evropian të Gjermanisë, u transferua në Real Madrid tre muaj më parë, por është në një mosmarrëveshje financiare me ish-klubin e tij.
Lojtari francez kërkon 55 milionë euro nga PSG në gjykatë, pasi pretendon se muajt e fundit te klubi parizian nuk ka marrë rrogë dhe shpërblime si lojtarët e tjerë. PSG refuzon ta paguajë atë shumë.
