Enis Zabërgja ka vendosur të japë fund karrierës së tij si futbollist.
Gjatë karrierës së tij, ai ka luajtur për disa skuadra kosovare, duke përfshirë Hysin, Drenicën, Trepçën dhe Llapin. Së fundmi, Zabërgja ishte pjesë e klubit Mitrovica, që garon në Ligën e Parë të Kosovës.
“Nuk është e lehtë pas njëzet e dy viteve karrierë t’i thuash lamtumirë sportit më të bukur në botë. Ishte kënaqësi që punova me trajnerët më të mirë të Kosovës dhe pata kënaqësinë të luaj me lojtarët më të mirë të Kosovës. Fitova gjithçka që fitohet në futbollin e Kosovës. Shënova mbi 250 gola dhe krenaria më e madhe ishte të paraqitesha për Kosovën. Gazetarë, futbollistë, tifozë, ishte kënaqësi që këto vite ishim bashkë, ishim bashkë në kohë të mira dhe në kohë të vështira,” ka shkruar Zabërgja në letrën e tij.
