Sot shënohet njëvjetori i rënies së Heroit Afrim Bunjaku. Rreshteri policor Afrim Bunjaku u vra nga një sulm terrorist në veri të vendit, nga bandat kriminale serbe, të armatosura e të maskuara në fshatin Banjskë të Zveçanit.
Jakub Bielamowicz, analist i Evropës Juglindore dhe Ballkanit Perëndimor në Institutin e Evropës së Re, tha se sot shënohet një vit nga sulmi paraushtarak në Banjskës nga militantët nacionalistë serbë të përfaqësuesit të Beogradit.
“Kjo përpjekje për të destabilizuar dhe ndoshta aneksuar veriun e Kosovës u orkestrua nga Milan Radoiçiq, një aleat i Vuçiqit, i cili është ende i lirë në Serbi, pavarësisht një urdhër-arresti të Interpolit”, ka shkruar ai në ‘X’.
Po ashtu ai ka shkruar se sot nderohet rëniea heroike e Afrim Bunjakut i cili u vra në krye të detyrës gjatë sulmit paraushtarak të Banjskës në vitin 2023 nga forcat nacionaliste serbe të Beogradit. “Bunjaku u shpall pas vdekjes “Hero i Kosovës” për mbrojtjen e tërësisë territoriale të vendit”, shkroi Bielamowicz.
