Finalja e Champions League e vitit 2027 nuk do të luhet në Milano për shkak të pasigurisë mbi të ardhmen e stadiumit, ka njoftuar të martën UEFA.
Kësisoji pritet që UEFA ta rihapë procesin e ofertimit për të caktuar një vend të përshtatshëm, me një vendim që pritet në maj ose qershor të vitit 2025.
“Meqenëse autoritetet e qytetit të Milanos nuk mund të garantonin që stadiumi “San Siro” nuk do të prekej nga punimet e rinovimit gjatë periudhës së finales së Champions League, u vendos që finalja të mos zhvillohet në Milano”, thuhet në një deklaratë të UEFA-s.
Finalja e vitit 2026 do të zhvillohet në Budapest.
Budapesti dhe Milano ishin të vetmit kandidatë për finalet e viteve 2026 dhe 2027.
