Kapsula Sarco, e cila nuk është përdorur kurrë më parë, është projektuar për të lejuar personin brenda të shtypë një buton që injekton gaz azot në një dhomë të mbyllur. Personi duhet të bjerë në gjumë dhe të vdesë nga mbytja brenda pak minutash.
Policia zvicerane ka arrestuar disa persona pasi një grua 64-vjeçare kreu vetëvrasje duke përdorur të ashtuquajturën “kapsula eutanazie”. Policia ka nisur hetimet për shkak të dyshimit për nxitje dhe ndihmë për vetëvrasje.
Kapsula Sarco, e cila nuk është përdorur kurrë më parë, është projektuar për të lejuar personin brenda të shtypë një buton që injekton gaz azot në një dhomë të mbyllur. Personi duhet të bjerë në gjumë dhe të vdesë nga mbytja brenda pak minutash.
Ministrja e Brendshme zvicerane Elisabeth Baume-Schneider u tha ligjvënësve dje se Sarco “nuk është i ligjshëm sepse nuk është plotësisht në përputhje me ligjin”, raporton France24 .
Policia tha në një deklaratë se një firmë ligjore informoi prokurorët se një vetëvrasje e asistuar që përfshin një kapsulë Sarco ndodhi dje pranë një kabine pyjore në Merishausen, Zvicrën veriore.
Përkrahësit e përdorimit të kapsulës thonë se anët pozitive janë se ajo ofron një mundësi për eutanazinë që nuk mbështetet te droga apo mjekët dhe se zgjeron aksesin në eutanazi. Por shumë kanë frikë se dizajni modern i pajisjes lavdëron vetëvrasjen dhe fakti që mund të operohet pa mbikëqyrje mjekësore është, theksojnë ata, shqetësues.
Meqë ra fjala, vdekja e ndihmuar është e paligjshme në shumicën e vendeve evropiane, por me kalimin e viteve mijëra njerëz kanë udhëtuar në Zvicër për t’i dhënë fund jetës së tyre. Ligji zviceran lejon vetëvrasjen e asistuar për sa kohë që personi merr jetën e tij pa “ndihmë të jashtme” dhe ata që e ndihmojnë personin të vdesë nuk e bëjnë këtë për “ndonjë motiv egoist”, sipas faqes së internetit të qeverisë.
