Në përvjetorin e parë të sakrificës së policit Afrim Bunjaku dhe reagimit të Policisë së Kosovës, e cila arriti të parandalojë kërcënimin më të madh terrorist në Republikën e Kosovës, ka ardhur një tjetër kritikë diplomatike nga Shtetet e Bashkuara të Amerikës për qeverinë Kurti.
Lutfi Haziri duke iu referuar deklaratës së fundit të ambasadorit Hovenier, i cili citoi këshillën e babait të tij: “Mos p…… në derë të klubit që dëshironi të hyni,” theksoi degradimin e marrëdhënieve mes Kosovës dhe mikut të saj më të madh, ShBA-së.
Sipas Hazirit, qeveria Kurti ka humbur përkrahjen ndërkombëtare për shkak të politikave të saj të mospërfilljes ndaj aleatëve dhe mosrespektimit të të drejtave të pakicave, duke cenuar kështu themelet e pranimit të Kosovës si shtet i pavarur.
Haziri përmendi gjithashtu punën e Prokurorisë Speciale, e cila ka ngritur aktakuzë ndaj 46 individëve të përfshirë në sulmin terrorist.
Ai nënvizoi rëndësinë e zbardhjes së plotë të këtij rasti dhe të inkriminimit të shtetit serb.
Sipas Hazirit, drejtësia vonon, por gjithmonë del në dritë. /Kosovatimes/
