Kina ka njoftuar se ka lëshuar me sukses një raketë balistike ndërkontinentale (ICBM) që mbante një kokë të rreme në Oqeanin Paqësor, raporton BBC.
Raketa u lëshua sot dhe “zbarkoi në zonat e pritshme detare”, tha ministria e mbrojtjes e Kinës, duke shtuar se lëshimi provë ishte “rutinë” dhe “pjesë e trajnimit vjetor”. Lloji i raketës dhe rruga e fluturimit të saj mbetën të paqarta, por media shtetërore kineze tha se Pekini “kishte njoftuar vendet fqinje paraprakisht”.
Analistët thonë se ta quash testin “rutinë” është befasuese sepse Kina kreu për herë të fundit një test në ujërat ndërkombëtare në vitin 1980. “Nëse nuk kam humbur diçka, mendoj se kjo është hera e parë në një kohë të gjatë që kjo ka ndodhur dhe raportohet si e tillë,” postoi në platformën X Ankit Panda, një ekspert i armëve bërthamore në Carnegie Endowment for International Peace.
