Rritja e komunikimit të rregullt mes dy shteteve dhe bashkëpunim në fusha me interes të përbashkët ishin në fokus të takimit mes Ministres së Punëve të Jashtme, Donika Gërvalla dhe homologut të saj nga Bahamas, Frederick Audley Mitchell, të mbajtur në margjinat e Asamblesë së Përgjithshme të OKB-së në Nju Jork.
“Gjatë takimit Ministrja Gërvalla theksoi përkushtimin e Kosovës për paqe dhe stabilitet në rajon, duke shprehur gatishmërinë për të forcuar marrëdhëniet në fushat me interes të përbashkët. Ajo falënderoi homologun e saj për përkrahjen për anëtarësimin e Kosovës në organizata ndërkombëtare”, thuhet në njoftimin e MPJD-së.
Gjatë takimit u shpreh vullneti për të intensifikuar bashkëpunimin dhe për të eksploruar mundësitë e partneritetit në fusha të reja. /Kosovatimes/
