Presidentja e Kosovës, Vjosa Osmani, gjatë qëndrimit në Nju Jork, është takuar me presidentin e Mauritanisë, Mohamed Ould Ghazouani.
Osmani, në një postim në Facebook, ka thënë se me presidentin Ghazouani ka diskutuar edhe për forcimin e pozitës ndërkombëtare të Kosovës.
“Në New York e falënderova Presidentin e Mauritanisë, Mohamed Ould Ghazouani, për mbështetjen e patundur për Republikën e Kosovës. Bashkë, diskutuam rritjen e bashkëpunimit midis dy shteteve tona, si dhe forcimin e pozitës ndërkombëtare të Kosovës”, ka shkruar presidentja Osmani.
