Nënkryetari i LDK-së, Lutfi Haziri ka ngritur akuza të forta ndaj qeverisë duke pretenduar se ajo kontrollon paratë publike të investuara në projekte, nëpërmjet komisarëve të pozicionuar nga Lëvizja Vetëvendosje.
Sipas tij, në vend të ofrimit të shpjegimeve për këto akuza, qeveria dhe zyrtarët e saj kanë kaluar në sulme personale ndaj nënkryetares së LDK-së, Hykmete Bajrami, duke e lidhur atë pa bazë me një biznes të suksesshëm.
Haziri theksoi se Bajrami ka zbuluar dhe publikuar tenderë sekretë të qeverisë dhe paralajmëroi se ajo do të vazhdojë të flasë dhe të ofrojë fakte.
Në përfundim, ai akuzoi qeverinë për izolimin ekonomik të Kosovës duke e shtyrë vendin drejt falimentimit. /Kosovatimes/
