Në një video të shkurtër në të cilën Hezbollahu mburret me aftësitë e Qader-1, Hezbollah thotë se raketa ka një rreze veprimi prej 190 kilometrash.
Raketa u kap nga sistemi izraelit i mbrojtjes ajrore me rreze të mesme veprimi, David’s Sling. Askush nuk u lëndua dhe nuk u shkaktuan dëme.
Hezbollah pretendoi se sulmi kishte në shënjestër selinë e Mossad pranë Herzliya.
Kujtojmë: Shtetet e Bashkuara të Amerikës, Franca dhe disa nga aleatët e tyre kanë bërë thirrje për një armëpushim të menjëhershëm 21-ditor ndërmjet Izraelit dhe Hezbollahut, ndërsa në të njëjtën kohë kanë shprehur mbështetjen e tyre për armëpushimin në Gaza.
Nënshkrues të tjerë të deklaratës janë Australia, Kanadaja, Bashkimi Evropian, Gjermania, Italia, Japonia, Arabia Saudite, Emiratet e Bashkuara Arabe dhe Katari.
