Eksponatet e trashëgimisë kulturore janë gjetje të ndryshme që dëshmojnë për mënyrën e jetës dhe lokaliteteve antike, një ndër këto lokalitete është edhe ai i Pogragjës së Gjilanit, në të cilin janë gjetur artefakte të shumta që janë më shumë vlerë e të rëndësishme për ditët e sotme.
Disa nga artefaktet e kësaj zone i gjejmë të ruajtura në Institutin e Kosovës për Mbrojtjen e Monumenteve për të cilat në emisionin “Mirëmëngjesi Kosovë”, foli Qazim Namani, njohës i trashëgimisë kulturore.
“Ne mund të flasim për lokalitetin Kalaja e Pogragjës me rrethinë me disa fortifikata tjera e cila ka dhënë mjaftë shumë argument për një qytetërim të lashtë në trevën tonë. Por, për të vërtetuar saktësisht vjetërsinë e këtyre eksponateve mjerisht duhet laborator të cilët ne nuk i kemi. Por për afërsisht kemi të bëjmë me eksponate që janë që nga periudha e Neolitit”, tha Namani, i cili theksoi se kjo mbetet që në të ardhmen të bëhen analiza dhe të kuptohet saktësisht.
