Shkruan: Idriz MORINA
Shpresoj që më në fund shqiptarët në Kosovë ta kenë kuptuar se Edi Rama përfundimisht është një tradhtar i shqiptarisë, i Shqipërisë dhe i Kosovës, i shqiptarëve në Greqi dhe më tej. Uroj ta kuptojnë më mirë edhe shumica e shqiptarëve në Shqipëri.
Edi Rama, sikur të ishte një monark e ka shpallur të drejtën e krijimit të shtetit bektashi në Shqipëri, një Shtet Brenda shtetit, thuajse Shqipëria i ka një milion kilometra katror, e s’po ka me kë t’i ndajë!
Një shtet-territori, i të cilit është copëtuar dhe ndarë për qindra e mijëra vjet, nga mbase gjysmë milioni kilometra katror që mund t’i kishte dikur, kur shtrihej në Evropë dhe Azi!
Pse minim i shqiptarisë!?
E gjithë bota ortodokse, në veçanti, ajo në trekëndëshin Greqi-Rusi-Serbi, ka ushtruar propagandë, diplomaci, por edhe luftëra, gjenocide dhe dëbim të shqiptarëve, me qëllim zhbërjen, si dhe kanë shpenzuar miliarda para për më shumë se një shekull, për të dëmtuar imazhin e shqiptarëve, duke i paraqitur si fundamentalistë islamik, dhe se lufta evropiane kundër pranisë së islamit në Ballkan duhet të vazhdojë dhe se shtete të dominuara nga popullata me besim islam nuk duhej të lejoheshin në Europë.
Në këtë mënyrë mbytej çështja e identitetit shqiptarë, lashtësisë së tij dhe meritave të tij të lavdishme, mbi të gjitha në civilizimin antik dhe paraantik, si dominues dhe udhëheqës të tyre dhe meritat e jashtëzakonshme në Mesjetë me Mbretin Skënderbe!
Pra, ishte lufta e tyre për vrasjen e identitetit shqiptarë, i cili i nxjerr si i atillë do t’i eklipsonte shtetet si Serbia, Greqia etj…. por, edhe kulturat e pretenduara të lashtësisë nga shkollat antishqiptare!!!
Këto synime pan-ortodokse, arriheshin dhe ende arrihen edhe duke investuar në projekte në njërën anë për të blerë e komprometuar njerëz me ndikim tek besimtarët, si hoxhallarët dhe në anën tjetër duke nxitur lëvizje radikale antishqiptare, siç ndodhi veçanërisht pas luftës me organizimin e vullnetarëve për luftë në ISIS etj.
Edi Rama, edhe pse ka zgjedhur si projekt për demolimin e shtetit, avancimin në shtet të një lloj besimi islam të moderuar, me pikëpamje afirmuese për shqiptarësinë e shtetit (Shqipërisë), por, që si tarikat madje edhe dallon në disa çështje besimi, pasi është në kundërshtim me disa parime të islamit, kryeministri i Shqipërisë, si një vasal i Athinës dhe Beogradit, ai thjesht po e komprometon identitetin shqiptar dhe po e përgatit nxitjen e një konflikti të gjatë ndërmjet besimeve, dhe vetë shoqërisë.
Ajo që më së shumti më bën tani t’i frikësohem kësaj ngjarje, është se dëmi i saj nuk do të mbarojë brenda kufijve të Shqipërisë, dhe se mund të jetë projektuar për ta minuar më tej shtetin e Kosovës!
— Vijon nesër, pjesa e dytë!
