Edicioni i katërt i Kolegji i Kirurgëve të Kosovës, ka nisur dje dhe po vazhdon edhe sot, në mesin e gjithë profesionistëve ishte Alban Neziri, gjinekolog, pjesëmarrës i cili punon në Zvicër. Ai në një lidhje të drejtpërdrejtë në emisionin “Mirëmëngjesi Kosovë”, theksoi se stafi i kirurgëve është jashtëzakonisht i përgatitur në fushën e tyre.
Neziri poashtu tha se stafi, Klinika e Onkologjisë kanë bërë përparim të jashtëzakonshëm në të gjitha fushat edhe në fushën e trajtimit në kemoterapi edhe në fushën në radioterapi pastaj Instituti i Patologjisë në pjesën e diagnostikës është mjaft i avancuar, klinika e radiologjisë, klinika e kirurgjisë plastike.
Mirëpo, sipas tij, të gjitha këto klinika duhet të punojnë së bashku në një qendër të cilen, në Evropë janë organizu në formë të qendrave të trajtimit të Kancerit të Gjirit.
“Këtu jemi të mbledhur rreth 180 ekpsert prej fushave të ndryshme te Kirurgjisë në kuadër të Kongresit i cili është emëru edhe përparimet e inovacionet në përgjithësi, janë organizu edhe gjashtë simpoziume të ndryshme një prej tyre, i cili i kushtohet themelimit të një qendre për trajtimin e kancerit të gjirit dhe pasi jemi në muajin i cili i kushtohet senszibilizimit të motrave nënave tona për kontrollin ,preventivin e kancerit të gjirit”, tha Neziri.
Ai, tutje, shtoi se ka një staf të mrekullueshëm në Prishtinë dhe teknologjia nuk mungon. Sipas tij ato që mungojnë janë protokolet bashkëkohore, të cilat edhe ato janë etablu por pritet miratimi prej Ministrisë së Shendetësisë dhe prej Qeverisë.
