Ministrja e Punëve të Jashtme e Kosovës, Donika Gërvalla, ka njoftuar për takimin me homologun e saj grek, Giorgos Gerapetritis, në margjina të Asamblesë së Përgjithshme të Organizatës së Kombeve të Bashkuara.
Përmes një postimi në platformën “X”, ajo ka thënë se në takim ka theksuar gatishmërinë e Kosovës për thellim të bashkëpunimit me Greqinë.
“Kënaqësi të takohem me Ministrin e Jashtëm të Jashtëm Giorgos Gerapetritis në margjinat e #UNGA79. Ne diskutuam mënyrat për të forcuar marrëdhëniet dypalëshe dhe bashkëpunimin shumëpalësh. Theksova përkushtimin e Kosovës për rritjen e bashkëpunimit ekonomik mes dy vendeve tona, me fokus tregtinë dhe investimet”, ka shkruar Gërvalla.
