Ka vdekur sot ish-gjenerali i UÇK-së e më vonë i FSK-së, Imri Ilazi, i njohur si komandant Ferri. Me këtë rast, në kujtim të jetës dhe veprës së tij, Organizata e Veteranëve të Luftës së UÇK-së, me mbështetjen e Komunës së Ferizajt, sot ka organizuar mbledhje përkujtimore në teatrin “Adriana” në Ferizaj.
Sot në moshën 61-vjeçare është ndarë nga jeta ish-zëvendëskomandanti i Zonës Operative të Nerodimes dhe gjenerali në pension i FSK-së, Imri Ilazi, i njohur si Komandat “Ferri”. Në mbledhjen komemorative u tha se kontributi i komandant ” Ferrit”, para, gjatë dhe pas luftës ka qenë shumë i madh për lirinë dhe ecjen përpara të shtetndërtimit
“E përjetshme ka herë është vepra tij, e pa vdekshme është lavdia e pushkës, trimërisë, atdhedashurisë që e shquajti gjatë gjithë jetës së tij”, tha Aliu.
“Gjeneral Imri Ilazi është hero i popullit tonë sepse vepra e tij, kontributi dhe sakrifica e tij për lirinë dhe shtetin që e gëzojmë sot për ushtrinë që e kemi sot e bënë një hero të vërtetë”, tha Agim Çeku, ish shef i Shtabit të Përgjithshëm të UÇK-së”, tha Agim Çeku , ish shef i Shtabit të Përgjithshëm të UÇK-së.
Shukri Buja, ish Komandant i Zonës Operative të Nerodimes, tha se Komandant” Ferri” ishte ushtar i thjesht, ishte epror i guximshëm, ishte komandant i respektua, ishte gjeneral i shquar i luftës e i paqes.
Ilir Qeriqi , Shef i Shtabit të FSK-së tha se gjeneral Ilazi kishte një karrierë të shkëlqyer ushtarake.
“Komandant i UÇK-së, pas luftës u caktua komandant i Zonës së 6 të TMK-së, pas transformimit mori detyrën e komandantit të brigadës të mbështetëse të FSK-së dhe u pasionua në detyrën e drejtorit të operacioneve në Ministrinë e Mbrojtës”, tha ai.
Në emër të familjes foli Liburn Ilazi, i biri i të ndjerit.
“Paramendoni sot është dita që përkujtojmë betejën e lavdishme e Epopesë së Jezercit. Eshtë një ndjesi e veçantë që pikërisht në këtë ditë babi u nda nga jeta dhe u bashku me shokët e tij të armëve dhe të idealeve. Është sikurse fati të kishte vendosur që ai të rikthehej në përjetësi në ditën që simbolizon krenarinë dhe guximin e heronjve tanë”, tha Liburn Ilazi, i biri i të ndjerit.
Edhe shumë folës të tjerë kanë çmuar jetën dhe veprën e gjeneralit Imri Ilazi, varrimi i të cilit u bë sot në Ferizaj.
