Kryetari i PDK-së, Memli Krasniqi, ka shprehur dhembjen e tij të thellë pas lajmit për ndarjen nga jeta të Gjeneralit të Ushtrisë Çlirimtare të Kosovës dhe Forcës së Sigurisë së Kosovës, Imri Ilazi, i njohur si Komandant “Ferri”.
Krasniqi e vlerësoi Ilazin si një personalitet të shquar dhe një koleg të çmuar në Partinë Demokratike të Kosovës.
“Kontributi i tij i madh për lirinë e Kosovës do të mbetet i paharruar”, ka shkruar Krasniqi.
Krasniqi theksoi përkushtimin dhe sakrificën e Ilazit si shembull për të gjithë.
Në këtë kohë të vështirë, ai shprehu ngushëllimet më të sinqerta për familjen Ilazi, miqtë dhe bashkëpunëtorët e shumtë. /Kosovatimes/
