Shkruan: Skënder MULLIQI
Serbia nuk po lirohet nga ndjenjat e rreme shekullore, se shpëtim për ta është ideja megalomane e shoviniste “të gjithë serbët në një shtet”. Në Serbi nuk ka asgjë të re. Rrëfim i njëjtë, të njëjtit politikanë dhe intelektualë, publik i njëjtë në regji të Aleksandër Vuqiqit. Dhe, gjithnjë po dëgjojmë rrëfimin e vjetër se populli serb, në të gjitha luftërat ka qenë viktimë. E gjithë kjo për rrezikimin serb nga fqinjët është demagogji dhe rrenë e madhe, në shërbim të ideologjisë serbomadhe, me synim që ti arsyetojnë krimet e viteve të 90-ta, në BH dhe në Kosovë. Sigurisht që do të kalojnë edhe shekuj të tjerë, e politika serbe nuk do të lirohet nga ajo që fqinjët janë të këqij e serbët të mirë. Po mos të ishte kështu Vuqiqi nuk do të kishte përkrahjen e popullit serb. Ky drejtues i shtetit të Serbisë,po manipulon me popullin e dëgjueshëm, i cili edhe mbanë përgjegjësi për fatin e vetë. BE-ja dhe Amerika sikur po e besojnë ideologjinë e rreme serbe. Ka mundësi të besojnë një ditë që Jezu Krishti ka qenë serb, dhe se serbët janë populli më i vjetër në botë, që fqinjët e dinë mirë se jo. Të besohet se Serbia mund të jetë faktor stabiliteti në rajon me kriminelët e luftës, është një iluzion, siç është iluzion të mendohet se Serbia, do të kthehet nga bota perëndimore, duke harruar se serbët e rusët janë vëlllëzër. Dashuria nuk ka mundësi të blihet, kur dihet për iracionalitetin serb. Vështirë që serbët të lirohen nga ndjenjat e rreme shekullore për bashkim të të gjithë serbëve në një shtet. Rrenë kjo e lansuar mirë nga ideologu i Serbisë të Madhe, Dobrica Qosiqi. Këto janë sigurisht fakte që shqiptarët duhet të hapin sytë para hegjemonisë serbe, për ndarje të Kosovës, përmes asociacionit famoz. Serbia e ka lënë moti rrugën e demokracisë, duke përqafuar rrugën kleroçetnike dhe proruse. Serbia dhe Rusia janë dy shtete më logjikë pan sllave, të cilat po dëshirojnë ta kthejnë kohën e Luftës së Ftohtë. Po dëshirojnë gjithashtu të formojnë me luftë madje edhe bërthamore një rend të ri botëror sipas kutit të tyre. Putin po tenton të futë nën juridiksionin rus ish Republikat e Bashkimit Sovjetik, kurse Serbia disa nga ish Republikat e Jugosllavisë, pjesë të Malit të Zi, BH, Maqedonisë së Veriut, dhe pjesën më vitale të veriut të Kosovës, e që nuk do ti lejohet. Rrena dhe demenca serbe kanë marrë rrugën e pa kthim!
