“Vladimir Putin ka frikë të përdorë armë bërthamore sepse e do jetën e tij dhe kontrollin mbi jetën e të tjerëve”, tha Presidenti ukrainas Volodymyr Zelensky.
Presidenti rus tha më 25 shtator se ai po ndryshon “doktrinën bërthamore” të Rusisë dhe mund të zgjerojë rrethanat në të cilat mund të përdoret një armë e tillë shkatërruese.
Por Zelensky tha se nuk mendonte se Putin do të rrezikonte të përdorte armë bërthamore.
“Askush nuk e di se çfarë është në të vërtetë në kokën e Putinit. Ai mund të përdorë armë bërthamore për të sulmuar çdo vend në çdo kohë. Ose jo.
Nuk jam i sigurt se do ta bëjë. Unë ndaj me ju atë që mendoj, por unë nuk jam Putin. Nuk mund ta di saktësisht. Ai e do jetën e tij dhe mënyrën e tij të jetesës dhe menaxhimin e jetëve të të tjerëve”, tha Zelenski.
Që nga fillimi i luftës, Kremlini ka kërcënuar vazhdimisht se do të përdorë armë bërthamore. Të shtunën, Ministri i Jashtëm rus Sergei Lavrov i tha Uashingtonit që të përgatiste Evropën për një “përpjekje vetëvrasëse” për shkak të “pakuptueshmërisë dhe rrezikut të vetë idesë së një lufte deri në fitore me një fuqi bërthamore si Rusia”.