Ai uroi popullin rus më 30 shtator – “Ditën e Bashkimit” me rajonet ukrainase të Lugansk, Donetsk, Zaporozhye dhe Kherson.
Sipas tij, ai bashkim ishte një “ngjarje fatale”, e nevojshme për të mbrojtur banorët e këtyre rajoneve rusishtfolëse të Ukrainës nga “diktatura neo-naziste” dhe “nacionalizmi radikal”.
“Ne nuk i kemi braktisur vëllezërit dhe motrat tona,” tha Putin, duke mbrojtur “domosdoshmërinë dhe legjitimitetin e operacionit special ushtarak të Rusisë”, siç i referohet Rusia sulmit të 24 shkurtit 2022 në Ukrainë.
Më 30 shtator 2022, Putin nënshkroi aneksimin e rajoneve të Ukrainës Donetsk, Lugansk, Zaporozhye dhe Kherson.
Këto rajone, të cilat kontrollohen vetëm pjesërisht nga Moska, votuan për besnikërinë e tyre ndaj Rusisë në një referendum që nuk u njoh nga Kievi apo komuniteti ndërkombëtar.
