Sipas informacioneve të disponueshme, gruaja e identifikuar si Yaqi X punonte për një kompani logjistike që bashkëpunonte me aeroportin e Lajpcigut. Ajo e përdori atë pozicion për të dërguar informacione për lëvizjet e armëve të kompanive gjermane që merren me prodhimin dhe shitjen e armëve, thuhet në raportin e policisë.
Ajo raportohet se është e lidhur me një person tjetër të akuzuar për spiunazh nga Kina, i cili ka punuar si bashkëpunëtor i rëndësishëm i politikanit të AfD, Maximilian Krah, i cili gjithashtu është nën hetim për këtë çështje.
Krach, meqë ra fjala, u rendit i pari në listën e AfD-së për zgjedhjet e këtij viti për deputetë në Parlamentin Europian, por pati një sërë skandalesh, ku përfshiheshin lidhje me persona të akuzuar për spiunazh, si dhe deklarata se “jo të gjithë anëtarët e SS janë domosdoshmërisht kriminelë lufte”, gjë që përfundimisht i kushtoi atij një rol më të madh brenda ekipit të kësaj partie në Parlamentin Evropian.
Ai vazhdimisht theksoi se nuk dinte asgjë për spiunimin e dyshuar, por policia kontrolloi zyrën e tij në Bruksel si pjesë e hetimit. Krah u zgjodh në mbledhjen e re të Parlamentit Evropian pas zgjedhjeve të qershorit.
