Deputetja e LDK-së, Hykmete Bajrami, ka akuzuar qeverinë për shkelje të rregullave ligjore në procesin e ekzekutimit të pagave në Thesar. Bajrami theksoi se një punë rutinore si ekzekutimi i pagave po realizohet me shkelje të Ligjit për Zyrtarët Publikë dhe të Kushtetutës së Kosovës.
Ajo argumentoi se emërimi i një ushtruesi detyre në Thesar përtej afatit të përcaktuar ligjor është një veprim i paligjshëm dhe përbën një tjetër shkelje të Kushtetutës nga kjo qeveri.
Duke iu referuar Nenit 35 të Ligjit për Zyrtarët Publikë, Bajrami rikujtoi se zyrtarët e përkohshëm nuk mund të qëndrojnë në detyrë më shumë se 6 muaj, me një shtyrje të mundshme prej vetëm edhe 6 muajve shtesë.
“Çdo vendim i marrë nga një ushtrues detyre pas këtij afati, sipas saj, është i pavlefshëm dhe i paligjshëm”, ka shkruar ajo. /Kosovatimes/
