Tri Komisione parlamentare do të zhvillojnë sot mbledhjet e tyre në Kuvendin e Kosovës.
Nga ora 10:00 do të mblidhen dy komisione; ai për Ekonomi, Industri, Ndërmarrësi dhe Tregti, i cili do të shqyrtojë Projektligjin për regjistrin e pronarëve përfitues, si dhe Komisioni për Çështje të Sigurisë dhe Mbrojtjes, i cili do të shqyrtojë ndryshimin dhe plotësimin e Ligjit për dërgimin e Forcës së Sigurisë së Kosovës jashtë vendit.
Ndërkohë, në orën 11:00 është paraparë të mblidhet Komisioni për përzgjedhjen e Bordit të NP KOSTT, i cili e zhvillon procesin intervistues.
