Burrata është një djathë i freskët italian i bërë nga qumështi i lopës, i përbërë nga një lëkurë e hollë dhe një brendshme e butë dhe kremoze. Edhe pse nga jashtë duket si mocarela, kur pritet, burata derdh një bërthamë të pasur kremoze, e cila sjell një surprizë të vërtetë! Ky djath është shumë i shijshëm dhe përdoret shpesh në sallata, në pica ose si pjesë e mezeve.
Megjithatë, sot ju sjellim një recetë ndryshe, e cila është burrata me perime të pjekura. Ja si ta përgatisni shpejt dhe lehtë këtë pjatë të shijshme, të shëndetshme dhe të thjeshtë:
Burrata me perime te pjekura
Përbërësit:
1 Burata (rreth 150-200 g)
1 Kungell i njome
1 spec i kuq
1 qepë e kuqe
Vaj ulliri
Kripë dhe piper
Rozmarinë e freskët ose trumzë (opsionale)
Uthull balsamike (opsionale)
Përgatitja:
- Lani kungulleshkat, specin dhe qepën dhe i prisni në copa.
- Vendosini perimet në një tepsi, hidhini sipër vaj ulliri, shtoni kripë dhe piper. Nëse dëshironi, shtoni erëza të freskëta.
- Ngroheni furrën në 200°C.
- Piqini perimet për rreth 20-25 minuta, ose derisa të jenë të buta dhe të arta. E trazojmë herë pas here.
- Në një pjatë vendosim perimet e pjekura dhe sipër i vendosim burata.
- Spërkateni me vaj ulliri dhe sipas dëshirës shtoni disa pika uthull balsamike.
- Shërbejeni menjëherë, me bukë me kore ose bukë të thekur dhe shijojeni!
