Kryetari i AAK-së, Ramush Haradinaj, ka shprehur shqetësimin e tij për qasjen vet-izoluese të Qeverisë së Kosovës, e cila po ndikon negativisht në tërheqjen e investimeve të huaja.
Gjatë Forumit të Dytë Ekonomik Gjermano-Kosovar, organizuar nga Oda Ekonomike Gjermane-Kosovare, Haradinaj theksoi se Gjermania mbetet një partner i rëndësishëm për zhvillimin e Kosovës, por paralajmëroi se shumë investitorë po i drejtohen shteteve të tjera të rajonit.
Ai kritikoi mungesën e vendeve të punës dhe largimin e fuqisë punëtore, duke theksuar se Kosovës i duhet një qeverisje me qasje të re për të shfrytëzuar potencialin e saj në inovacion dhe zhvillim. /Kosovatimes/
