Në një bisedë të hapur në Shoqatën e Pensionistëve të Kosovës, kandidati për kryeministër nga koalicioni AAK, Nisma, Konservatorët dhe E-30, prezantoi pjesë të programit të tij për përmirësimin e gjendjes së pensionistëve për periudhën 2025-2029.
Propozimet përfshijnë një rritje prej 50% për të gjitha skemat pensionale, si dhe një pension kontributiv që nuk do të jetë nën pagën minimale prej 500 euro.
Ai gjithashtu premtoi rritje të përvitshme prej 10% për të gjitha kategoritë e pensioneve dhe rishikimin e kriterit prej 15 viteve përvojë pune duke lehtësuar përfitimin për më shumë qytetarë. /Kosovatimes/
