Instituti i Historisë “Ali Hadri” në Prishtinë mbajti një mbledhje komemorative për të nderuar jetën dhe veprën e të ndjerit Prof. Dr. Liman Rushiti.
I njohur për kontributin e tij të rëndësishëm në studimet historike, veçanërisht në hulumtimet për Lëvizjen Kaçake në Kosovë, Prof. Rushiti do të mbahet mend si një studiues që ndërmori kërkime mbi tema të ndjeshme në një kohë kur ato ishin të vështira për t’u trajtuar.
Folësit kanë thënë se, vepra e tij ka lënë një trashëgimi të çmuar për historinë dhe identitetin kombëtar. /Kosovatimes/
