“UDHËHEQËSIT e vendeve të G7-ës besojnë se një zgjidhje diplomatike e konfliktit në Lindjen e Mesme është ende e mundur,” tha qeveria italiane.
Italia aktualisht kryeson G7 dhe njoftimi erdhi pasi kryeministrja Giorgia Meloni organizoi një takim të krerëve të grupit për të diskutuar krizën.
“Konflikti në nivel të gjithë rajonit nuk është në interesin e askujt”
“Duke shprehur shqetësim të fortë për përshkallëzimin e orëve të fundit, u përsërit se konflikti në nivel të gjithë rajonit nuk është në interesin e askujt dhe se zgjidhja diplomatike është ende e mundur”, thuhet në deklaratë.
Udhëheqësit përsëritën gjithashtu “dënimin e tyre të fortë” të sulmit të Iranit ndaj Izraelit. G7 përbëhet nga Shtetet e Bashkuara, Kanadaja, Mbretëria e Bashkuar, Franca, Gjermania, Italia dhe Japonia.
