Një person është arrestuar dje në fshatin Mushtisht të Suharekës, pasi i njëjti dyshohet se ka përvetësuar një shumë të madhe parash përmes mashtrimit, raporton Gazeta Online Reporteri.net.
Rastin e ka konfirmuar Policia e Kosovës përmes raportit 24 orësh, ku bëhet e ditur se i dyshuari në një periudhën kohore 2023-2024, ka mashtruar dy burra duke u paraqitur dëshmi të rreme dhe nga të njëjtit ka marrë mbi 100 mijë euro.
“Mushtisht /2023-2024. Me datë 01.10.2024 është arrestuar i dyshuari kosovar nën dyshimin se i njëjti gjatë periudhës së cekur kohore duke paraqitur dëshmi/fakte të rreme ka mashtruar dy viktimat meshkuj kosovarë nga të cilët kishte përvetësuar mbi 100,000 €”, thuhet në njoftimin e Policisë.
