Kryetari i Prishtinës, Përparim Rama, ka bërë të ditur se, në kuadër të projektit për digjitalizimin e hapësirave publike, janë vendosur sensorë tokësorë në rrugët “Selami Pulaha” dhe “Henry Dunant” në lagjen “Ulpiana”. Deri më tani, janë instaluar mbi 700 sensorë në të gjithë qytetin, me synimin që ky numër të arrijë në 2000.
Sipas Ramës, këta sensorë ofrojnë informacion në kohë reale për gjendjen e parkimit, duke lehtësuar gjetjen e vendeve të lira për qytetarët.
“Sivjet, jemi duke e bërë parkimin në kryeqytet më të lehtë, më të organizuar dhe më efikas për të gjithë,” tha ai. /Kosovatimes/
