Komuna e Zveçanit ka vendosur shenja në rrugë në tri në gjuhën shqipe, serbe dhe angleze. Lajmiu bë i ditur përmes një postimi në Facebook nga kryetari i kësaj komune, Ilir Peci.
Peci ka deklaruar se të gjitha këto shenja informuese janë thelbësore për banorët dhe për të gjithë komunitetet që jetojnë në Zveçan.
“Pas 25 vitesh, janë vendosur tabelat informuese në shqipe dhe në gjuhët e tjera në komunën tonë. Të gjitha këto shenja informuese janë thelbësore për banorët tanë dhe për të gjithë komunitetet që jetojnë këtu. Ato gjithashtu do t’u ofrojnë ndihmë vizitorëve nga e gjithë Kosova dhe më gjerë, duke treguar se kjo është një zonë ku diversiteti dhe bashkëjetesa janë vlera të çmuara.
“Bashkëpunimi ynë për të arritur këtë hap, gjithashtu shpreh angazhimin tonë të vazhdueshëm për promovimin e gjuhëve zyrtare në hapësirat publike”,ka shkruar Peci. /Kosovatimes/
