Ish-kryeministri britanik Boris Johnson thotë se një pajisje dëgjimi u gjet në banjën e tij private në Ministrinë e Jashtme pasi u përdor nga Benjamin Netanyahu.
Johnson thotë se ekipi i tij i sigurisë e gjeti pajisjen gjatë një inspektimi në banjë pas një vizite të kryeministrit të Izraelit në vitin 2017, kur ai ishte ministër i Jashtëm. Ish-lideri konservator shkroi në kujtimet e tij se Netanyahu u justifikua gjatë takimit për të shkuar në tualet.
Nuk dihet nëse qeveria izraelite ishte e informuar për incidentin.
Johnson do të flasë më shumë rreth zbulimeve nga kujtimet e tij në një intervistë për ITV nesër mbrëma. Një intervistë që BBC do të kishte me Johnson sonte u anulua pasi prezantuesja Laura Kuenssberg i dërgoi aksidentalisht ish-kryeministrit shënimet e saj përgatitore.
