Kompania amerikane Planet Labs publikoi imazhe satelitore të bazës izraelite Nevatim dy ditë pas sulmit me raketa nga Irani.
Sipas mediave izraelite, pamjet satelitore tregojnë hangarë për aeroplanë, ku vërehen dëmtime.
“Dëmtimet janë të dukshme në çatitë e një numri ndërtesash pranë pistës. Pjesë të mëdha mbeturinash mund të shihen rreth ndërtesave”, shkruan Times of Israel.
“Raketat goditën ndërtesat e zyrave dhe zonat e mirëmbajtjes në baza. Nuk u shkaktuan dëme në avionë, as në municione apo infrastrukturë kritike,” thanë ata.
Meqë ra fjala, baza Nevatim, e cila ishte objektivi i sulmit të Iranit, është një nga bazat më të rëndësishme izraelite, duke qenë se aty strehohen avionët luftarakë më të avancuar. Kjo bazë është gjithashtu shtëpia e avionëve luftarakë F-35 Lightning II të prodhimit amerikan.
