Një bombë e drejtuar nga Rusia goditi një ndërtesë apartamentesh pesëkatëshe në Kharkiv mbrëmë vonë, duke shkaktuar zjarre dhe duke plagosur të paktën 10 persona, thanë zyrtarët lokalë.
Presidenti Volodymyr Zelensky tha se ishte i fundit në një varg të gjatë sulmesh në qytet dhe theksoi nevojën për më shumë ndihmë nga mbështetësit perëndimorë të Ukrainës. Për të ndalur sulmet ruse, Ukraina duhet të marrë ndihmë të mjaftueshme nga partnerët e botës, tha ai.
Kërkimi vazhdon
Guvernatori rajonal i Kharkiv, Oleh Siniehubov tha se bomba ra midis katit të tretë dhe të katërt të ndërtesës dhe disa kate u shkatërruan.
“Kërkimi apartament pas apartamenti është duke u kryer. Njerëzit mund të jenë nën rrënoja”, tha Siniehubov në një video të postuar në internet.
Kryetari i bashkisë së Kharkiv, Ihor Terekov, tha se 10 persona janë plagosur, duke përfshirë një fëmijë tre vjeçar. Ai tha se bombat e drejtuara goditën dy lagje të qytetit.
